13.04.2024թ

       Մեր ուսանողները 13.04.2024թ.-ին այցելեցին արվեստի և արհեստի քաղաք՝ Գյումրի: Քաղաք, որտեղ ազգային մշակույթի ազդեցության ներքո ծնունդ են առել, ապրել ու արարել են մշակույթի, սպորտի մեր հռչակավոր, վաստակավոր և անվանի դեմքերը: Այս այցը հնարավորություն ընձեռեց յուրովի տեսնելու և զգալու Գյումրվա վառ կոլորիտը, այնտեղ պահպանված հայկական ճարտարապետության ավանդույթներն ու մշակույթը: Օրն անցավ հագեցած և վառ տպավորություններով:

12.03.2024թ.

       Արևմտյան Ուկրաինայի ազգային համալսարանի Երևանի կրթագիտական ինստիտուտում տեղի ունեցավ գրական ցերեկույթ՝ նվիրված ուկրաինացի բանաստեղծ, նկարիչ, ժողովրդագետ ՏԱՐԱՍ ՇԵՎՉԵՆԿՈՅԻ ծննդյան 210-ամյակին և հայ մեծ բանաստեղծ ԵՂԻՇԵ ՉԱՐԵՆՑԻ ծննդյան 127-ամյակին: Միջոցառմանը ներկա էին Հայաստանի Հանրապետությունում Ուկրաինայի դեսպանության աշխատակիցները իրենց կանանցով, ինստիտուտի պրոֆեսորադասախոսական անձնակազմը և ուսանողները:

07/12/2023

             2023թ. դեկտեմբերի 7-ին Արևմտյան Ուկրաինայի ազգային համալսարանի Երևանի կրթագիտական ինստիտուտը հյուրընկալեց Հայաստանի Հանրապետությունում Ուկրաինայի գործերի ժամանակավոր հավատարմատար Լոբաչ Վալերի Վասիլևիչին: Դեկտեմբերի 4-ից 10-ը ընկած ժամանակահատվածում Ուկրաինայում անցկացվում է «Ընթերցանության ազգային շաբաթ» համաուկրաինական տեղեկատվական-կրթական թեմատիկ միջոցառում: «Ընթերցանության ազգային շաբաթ»-ին համապատասխան ինստիտուտում Վալերի Վասիլևիչը և ուսանողները կարդացին Ուկրաինայի ականավոր բանաստեղծների հայտնի ստեղծագործություններից։ Հանդիպումը անցավ ջերմ մթնոլորտում:

24/11/2023       

        Նոյեմբերի 24-ին Արեւմտյան Ուկրաինայի ազգային համալսարանի Երեւանի կրթագիտական ​​ինստիտուտը կազմակերպել էր «Հոլոդոմորը Ուկրաինայում 1932-1933 թվականներին» խորագրով գիտաժողով։

        Հոլոդոմոր (Սովասպանդ), խորհրդային իշխանության կողմից Ուկրաինայում 1932-1933 թվականներին կազմակերպված արհեստական սով, որին զոհ է գնացել մինչև 7.5 միլիոն ուկրաինացի:

08.11.2023թ

   Օգնություն Արցախից բռնի տեղահանված մեր հայրենակիցներին

  Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողական խորհուրդը այցելեց Լոռու մարզ բարեգործական նախաձեռնությամբ՝ Արցախից բռնի տեղահանված մեր հայրենակիցներին տրամադրելով անկողնային պարագաներ:

      Այս նախաձեռնությունը իրականացվեց Հայաստանի Հանրապետության Լոռու մարզպետարանի աջակցությամբ:

Ուկրաինայի ԿԳ նախարարի հրամանով շնորհակալագրերի հանձնում:

Ուկրաինայի կրթության և գիտության նախարար՝ Սերգեյ Շկարլետի 25-կ հրամանով՝ Արևմտյան Ուկրաինայի ազգային համալսարանի Երևանի կրթագիտական ինստիտուտի ուսումնական աշխատանքների գծով փոխտնօրեն՝ Հասմիկ Սիմոնյանին, Հումանիտար առարկաների ամբիոնի վարիչ մ.գ.թ., դոցենտ Աննա Մինասյանին, Ֆունդամենտալ առարկաների ամբիոնի դոցենտ Արարատ Գրիգորյանին՝ նախաձեռնողականության, բարձր պրոֆեսիոնալիզմի, ծառայողական պարտականությունները բարեխիղճ կատարելու համար շնորհակալագրեր հանձնեց Արևմտյան Ուկրաինայի ազգային համալսարանի Երևանի կրթագիտական ինստիտուտի տնօրեն՝ Սահակ Ղուդրատյանը:

Ուկրաինան և աշխարհը նշում են Վիշիվանկայի օրը

Այսօր Ուկրաինան և աշխարհը նշ ում են Վիշիվանկայի օրը: Ամեն տարի Վիշիվանկայի օրը ջնջում է սահմանները և միավորում ամբողջ աշխարհի ուկրաինացիներին: Այս լուսավոր օրը մաղթում ենք խաղաղություն և ներդաշնակություն ձեր տներում և սրտերում։

Ուսանողները մասնակցում են  լրամշակվող օրենքների նախագծերի քննարկմանը:
 

Այլևս արդեն շարունակական բնույթ է կրում Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողների այցելությունը ՀՀ Ազգային ժողով: Ուսանողները ակտիվ մասնակցություն են ունենում նոր կամ փոփոխվող և լրամշակվող օրենքների նախագծերի քննարկմանը: Այս անգամ նրանք, ամբիոնի վարիչ, տ.գ.թ., դոցենտ Արփենիկ Մուրադյանի ղեկավարությամբ մասնակցեցին կամավորական աշխատանքին վերաբերող օրենքի նախագծի քննարկմանը, հանդես եկան հետաքրքիր հարցերով և առաջարկություներով: Մեր ուսանողներն անտարբեր չեն մեր երկրին, հետևաբար նաև իրենց ապագային վերաբերող իրավատնտեսական դաշտի կարգավորման խնդիրների նկատմամբ, և այս քննարկումներին նրանց մասնակցությունը դրա վառ ապացույցն է:

Հարգանքի տուրք՝ Ցեղասպանության անմեղ զոհերի հիշատակին

Մաքուր պահենք մեր քաղաքը

ՈՒՍԱՆՈՂԱԿԱՆ ԿՈՆՖԵՐԱՆՍ

«ՀԱՅՈՑ  ՑԵՂԱՍՊԱՆՈՒԹՅՈՒՆ» ԽՈՐԱԳՐՈՎ

    Սույն թվականի ապրիլի 21-ին Արևմտյան Ուկրաինայի ազգային համալսարանի Երևանի կրթագիտական  ինստիտուտը կազմակերպել էր «ՀԱՅՈՑ  ՑԵՂԱՍՊԱՆՈՒԹՅՈՒՆ» խորագրով ուսանողական կոնֆերանս, որի խորհրդանիշն էր՝«ՀԻՇՈՒՄ ԵՄ ԵՎ ՊԱՀԱՆՋՈՒՄ»: Մինչ կոնֆերանսի սկիզբը ինստիտուտի ուսանողները բոլոր ներկաներին ամրացրեցին կոնֆերանսը խորհրդանշող անմոռուկներ:

     Կոնֆերանսին ներկա էին  Արևմտյան Ուկրաինայի ազգային համալսարանի Երևանի կրթագիտական ինստիտուտի պրոֆեսորադասախոսական կազմը, աշխատակիցները և ուսանողները:

     Կոնֆերանսի բացման խոսքով ելույթ ունեցավ  ԱՈՒԱՀ Երևանի կրթագիտական   ինստիտուտի    տնօրեն՝  Սահակ Մերուժանի Ղուդրատյանը: Ելույթում նշեց, որ ցեղասպանությունը մեր կյանքի ամենաարյունոտ էջն է, որը չպետք է մոռանալ, որպեսզի չկրկնվի նման ոճրագործություն, որին զոհ են դարձել  մեկ ու կես միլիոն սրբադասված հայեր: Պարոն Ղուդրատյանն իր խորին երախտագիտությունը հայտնեց  այն պետություններին ու միջազգային կազմակերպություններին, որոնք ընդունել են ՀԱՅՈՑ ՑԵՂԱՍՊԱՆՈՒԹՅՈՒՆԸ և նրա  խնդրանքով  մեկ րոպե լռությամբ հարգեցին զոհվածների հիշատակը:

     Կոնֆերանսի ընթացքում ցուցադրվեց տեսաֆիլմ՝ դրվագներ 20-րդ դարի առաջին ցեղասպանությունից՝ հայ ժողովրդի նկատմամբ երիտթուրքերի և քեմալականների ոճրագործությունները,  վայրագ գործողությունները, կանանց ու մանուկների հրեշային կոտորածները փաստող տեսանյութեր: Տեսանյութի հեղինակներն էին  ԱՈՒԱՀ Երևանի կրթագիտական ինստիտուտի «Համակարգչային ինժեներիա» մասնագիտության ուսանողներ՝  Արամ Ռաֆայելի  Հովհաննիսյանը, Սյուզաննա Տիգրանի Առուստամյանը և Նատալի Արտակի Սահակյանը:

Հովհաննես Շիրազի  «ՀԱՅՈՑ ԴԱՆԹԵԱԿԱՆ»-ից մի հատված  ասմունքեց առկա կրթաձևի «Ֆինանսներ, բանկային գործ և ապահովագրություն»  մասնագիտության, I կուրսի ուսանողուհի՝ Անիտա Հայկի Նալբանդյանը

Հայոց ցեղասպանությանը նվիրված զեկույցներով հանդես եկան ուսանողներ՝

Աստղիկ Գոռի Հարությունյանը առկա կրթաձևի «Ֆինանսներ, բանկային գործ և ապահովագրություն»  մասնագիտության, I կուրս,

Սիլվա Կարենի Ներսեսյանը առկա կրթաձևի «Ֆինանսներ, բանկային գործ և ապահովագրություն»  մասնագիտության, II կուրս,

Մարինա Սերգեյի Բերտիչը առկա կրթաձևի «Ֆինանսներ, բանկային գործ և ապահովագրություն»  մասնագիտությամբ, I կուրս,

Էրիկ  Ռուբենի Համբարձումյանը առկա կրթաձևի «Համակարգչային ինժեներիա»  մասնագիտության, I կուրս,

Վարդուհի  Արթուրի Խուրշուդյանը առկա կրթաձևի «Ֆինանսներ, բանկային գործ և ապահովագրություն»  մասնագիտությամբ, I կուրս,

Նատալի Արտակի Սահակյանը առկա կրթաձևի «Համակարգչային ինժեներիա»  մասնագիտության, I կուրս,

Պարույր Սևակի  «Մենք քիչ ենք, բայց հայ ենք»- բանաստեղծությունը ասմունքեց առկա կրթաձևի «Ֆինանսներ, բանկային գործ և ապահովագրություն»  մասնագիտության, I կուրսի ուսանողուհի՝ Ռոզի Սահակի Ղուդրատյանը:

            «Դլե Յաման»- Մետաքսե կատարեց հեռակա կրթաձևի «Ֆինանսներ, բանկային գործ և ապահովագրություն»                           մասնագիտության, I կուրսի ուսանողուհի՝ Թամարա  Նորայրի Ժամհարյանը:

Ամփոփիչ  խոսքով հանդես եկավ Արևմտյան Ուկրաինայի ազգային համալսարանի Երևանի կրթագիտական ինստիտուտի հումանիտար ամբիոնի դասախոս, պատմական գիտությունների թեկնածու,  դոցենտ ՝  Ջավահիր  Ջանիկի  Թորոսյանը

   Կոնֆերանսի ավարտին  ԱՈՒԱՀ Երևանի կրթագիտական ինստիտուտի    տնօրեն՝  Սահակ Ղուդրատյանը, շնորհակալություն հայտնեց բոլորին՝ հատկապես   կոնֆերանսի մասնակից ուսանողներին և նշեց, որ «Թուրքը պետք է հասկանա, որ ներողություն խնդրելով իրենց մեղքերը կքավեն, սակայն ցեղասպանության թեմայով կոնֆերանսները  չեն փակվում, քանի դեռ Թուրքիան չի ընդունել իր կատարած ոճրագործությունները, նույնիսկ եթե իրենք էլ ընդունեն, միևնույն է դա միշտ մնում է բաց…»:

Սույն թվականի մարտի 9-ին Արևմտյան Ուկրաինայի ազգային համալսարանի Երևանի կրթագիտական ինստիտուտը նշեց Ուկրաինայի հպարտություն, հիանալի պոետ և նկարիչ՝ Տարաս Շևչենկոյի 209 ամյակը:

Ներկա էին Հայաստանի Հանրապետությունում Ուկրաինայի գործերի ժամանակավոր հավատարմատար   Ալեքսանդր Սենչենկոն: Ուկրաինայի պատվավոր հյուպատոս՝ Սահակ Ղուդրատյանը, Արևմտյան Ուկրաինայի ազգային համալսարանի Երևանի կրթագիտական ինստիտուտի պրոֆեսորադասախոսական անձնակազմը և ուսանողները, Հայսատանի Հանրապետությունում Ուկրաինայի դեսպանատան աշխատակիցները, Ուկրաինական համայնքի ներկայացուցիչները:

Ելույթ ունեցան Հայաստանի Հանրապետությունում Ուկրաինայի գործերի ժամանակավոր հավատարմատար   Ալեքսանդր Սենչենկոն,  Ուկրաինայի պատվավոր հյուպատոս՝ Սահակ Ղուդրատյանը և Ուկրաինական համայնքի ղեկավար Աննա Հարությունյանը: Ասմունքով ելույթ ունեցան ԱՈՒԱՀ Երևանի կրթագիտական ինստիտուտի ուսանողները, ծաղիկներ խոնարհեցին Մեծ Կոբզարի հուշարձանին:

Բազմաբովանդակ օր Հայաստանի Հանրապետության Ազգային Ժողովում

Արևմտյան Ուկրաինայի ազգային համալսարանի Երևանի կրթագիտական ինստիտուտի «Ֆինանսներ, բանկային գործ և ապահովագրություն» մասնագիտության ուսանողները Ֆինանսներ, հաշվառում և աուդիտ ամբիոնի վարիչ Արփենիկ Մուրադյանի նախաձեռնությամբ ՀՀ Ազգային Ժողովում լսեցին աշխատանքային օրենսդրության փոփոխությունների և լրացումների վերաբերյալ քննարկումներ, ինչպես նաև ակտիվ մասնակցություն ցուցաբերեցին իրենց հարցերով և առաջարկներով:

Այցելություն <<ՕՐՐԱՆ>> բարեգործական-հասարակական կազմակերպություն

Երիտասարդության ՝ գրքի, ընթերցանության նկատմամբ հետաքրքրությունն ու սերը մեծացնելու նպատակով, «Գիրք նվիրելու օրվա» առիթով Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողական խորհուրդը և աշխատակիցները այցելեցին «ՕՐՐԱՆ» Բարեգործական հասարակական կազմակերպության սաներին:

Օրվա խորհրդի կապակցությամբ ուսանողները, «ՕՐՐԱՆ» կազմակերպությանը որպես նվիրատվություն հանձնեցին մանկական և ուսուցողական ժամանակակից գրքեր:

Գիրք նվիրելուց բացի ուսանողները շփվեցին, մտերմիկ զրույց ունեցան «ՕՐՐԱՆ» կազմակերպության սաների հետ: Հանդիպումը կայացավ ջերմ մթնոլորտում, և միմյանցից բաժանվեցին՝ հետագայում կրկին հանդիպելու ակնկալիքով:

Հատուկ շնորհակալություն ենք հայտնում «ՕՐՐԱՆ» Բարեգործական հասարակական կազմակերպության կոլեկտիվին՝ տնօրենի գլխավորությամբ երեխաների հետ սրտացավ և հոգատար աշխատանքի համար:

Շնորհակալ ենք մեր բոլոր ուսանողներին մարդասիրական այս վեհ քայլի համար:

Սույն թվականի փետրվարի 16-ին  Արևմտյան Ուկրաինայի ազգային համալսարանի Երևանի կրթագիտական ինստիտուտի «Ֆինանսներ, բանկային գործ և ապահովագրություն»  մասնագիտության ուսանողները Ֆինանսներ, հաշվառում և աուդիտ ամբիոնի վարիչ Արփենիկ Մուրադյանի նախաձեռնությամբ մասնակցեցին ՀՀ Կենտրոնական գանձապետարանի և Ֆոնդային բորսայի կողմից կազմակերպված  թրեյնինգի:

Ուսանողները աշխատակիցների օգնությամբ ծանոթացան Հայաստանի բորսային համակարգին, արժեթղթերի շուկաներին, քննարկեցին հիմնական հարցերը,  դիտեցին տեսաֆիլմ: Հարցուպատասխանների միջոցով բացահայտվեցին ուսանողների տեսական գիտելիքների խորությունը և գործնական կիրառման հնարավորությունները: Օրը հագեցած էր նոր գիտելիքներով, տեղեկատվությամբ և հաճելի տպավորություններով: Խորին շնորհակալություն ենք հայտնում թրեյնինգի  կազմակերպիչներին:

2023թ. փետրվարի 16-ին Արևմտյան Ուկրաինայի ազգային համալսարանի Երևանի կրթագիտական ինստիտուտը հյուրընկալեց Հայսատանի հանրապետությունում Ուկրաինայի գործերի ժամանակավոր հավատարմատար Ալեքսանդր Սենչենկոյին: Հանդիպումը  անցավ  ջերմ  մթնոլորտում:

Տարեվերջյան ամփոփիչ գիտական խորհրդի նիստ

Ամանորյա շունչ Արևմտյան Ուկրաինայի ազգային համալսարանում

ՀԻՇԱՏԱԿԻ ՕՐ՝ ՆՎԻՐՎԱԾ ՍՊԻՏԱԿԻ ԵՐԿՐԱՇԱՐԺԻ 34-ՐԴ ՏԱՐԵԼԻՑԻՆ

Արևմտյան Ուկրաինայի ազգային համալսարանի Երևանի կրթագիտական ինստիտուտի Ուսանողական խորհուրդը կազմակերպել է «ՀԻՇԱՏԱԿԻ ՕՐ՝ ՆՎԻՐՎԱԾ ՍՊԻՏԱԿԻ ԵՐԿՐԱՇԱՐԺԻ 34-ՐԴ ՏԱՐԵԼԻՑԻՆ»: Միջոցառումը սկսվեց մեկ րոպե լռությամբ` հարգանքի տուրք մատուցելով բոլոր անմեղ զոհերի հիշատակին: Համալսարանի բոլոր ուսանողական խմբերը պատրաստել էին պաստառներ՝ նվիրված Սպիտակի երկրաշարժի 34-րդ տարելիցին: I կուրսի ուսանողները պատրաստել էին նաև զեկույցներ, իսկ II և III կուրսի ուսանողները տեսաֆիլմ: Բնական արհավիրք, որից խուսափելը անհնար է, սակայն կյանքը շարունակվում է . Այո՛, մենք շարունակեցինք ապրել, բայց երկրաշարժը մեծ սպի է թողել ողջ հայ ազգի սրտում:

ՄԵԿ ԿԻՍԱՄՅԱԿ ԱՆՎՃԱՐ ՈՒՍՈՒՑՈՒՄ ԵՎՐՈՊԱՅԻ ՊԵՏԱԿԱՆ ԲՈՒՀԵՐՈՒՄ

ՄԵԿ  ՐՈՊԵ  ԼՌՈՒԹՅԱՄԲ  ՀԱՐԳԵՆՔ  ՄԵՐ  ՀԵՐՈՍ  ՆԱՀԱՏԱԿՆԵՐԻ  ՀԻՇԱՏԱԿԸ

ՀԱՅՏԱՐԱՐՈՒԹՅՈՒՆ

Ուկրաինայի բոլոր քաղաքացիներին, ովքեր Ուկրաինայում տիրող իրավիճակից ելնելով՝ եկել են Հայաստանի Հանրապետություն, դպրոցը ավարտել օնլայն և հնարավորություն չեն ունեցել մասնակցելու ЗНО-ին:

ՈՒԿՐԱԻՆԱՅԻ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐՈՒԹՅՈՒՆԸ ԿԱԶՄԱԿԵՐՊՈՒՄ Է ԼՐԱՑՈՒՑԻՉ ՔՆՆԱՇՐՋԱՆ ԱԶԳԱՅԻՆ ԲԱԶՄԱԱՌԱՐԿԱՅԱԿԱՆ ԹԵՍՏԻ /НАЦIОНАЛЬНИЙ МУЛЬТИПРЕДМЕТНИЙ ТЕСТ/ ՀԱՆՁՆՈՒՄԸ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԱՐԵՎՄՏՅԱՆ ՈՒԿՐԱԻՆԱՅԻ ԱԶԳԱՅԻՆ ՀԱՄԱԼՍԱՐԱՆ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏՈՒՄ /Ք. ԵՐԵՎԱՆ, ԱՎԱՆ, ԱՃԱՌՅԱՆ 31 ՀԱՍՑԵՈՒՄ/:

Ազգային բազմաառարկայական թեստից /нацiональний мультипредметний тест/ դրական միավոր ստացողները կհրամանագրվեն Արևմտյան Ուկրաինայի ազգային համալսարան Երևանի կրթագիտական ինստիտուտ, Ուկրաինա վերադառնալու դեպքում կարող են տեղափոխվել Ուկրաինայի ցանկացած պետական ԲՈՒՀ` ուսումը շարունակելու:

Ցանկացողերը կարող են 12.08 - 15.08.2022 ժամակահատվածում գրանցվել Ուկրաինայի Կրթության և գիտության նախարարության կայքում՝ https://testportal.gov.ua/nmt-2022-reyestratsiya-dlya.../ հղումով Ազգային բազմաառարկայական թեստ /Нацiональний мультипредметний тест/ հանձնելու նպատակով:

Մանրամասն տեղեկությունների համար կարող եք զանգահարել ընդունող հանձնաժողով՝

+374 10 61 22 02, +374 10 61 30 10

http://www.eftneu.am e-mail: [email protected]

Այցելություն <<ՕՐՐԱՆ>> բարեգործական-հասարակական կազմակերպություն

Հուլիսի 9֊ին Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողական խորհուրդը նույն ինստիտուտի դասախոս Լյուդմիլա Բադիրյանի ուղեկցությամբ այցելեցին <<ՕՐՐԱՆ>> բարեգործական-հասարակական կազմակերպություն։

Այցելուներն արժանացան ջերմ ընդունելության, շրջեցին <<ՕՐՐԱՆԻ>> հարկաբաժիններով, հիացան երեխաների ձեռագործ աշխատանքներով և վերադարձան` հոգում պարփակած անսահման հույզե՜ր, հույզե՜ր անմոռաց ու անմեկնելի...

Մարդասիրությունը, հիրավի, կփրկի աշխարհը...

Սիրեցե՛ք զմիմեանս, մարդիկ:

ՀԱՆԴԻՊՈՒՄ ՈՒՍԱՆՈՂԱԿԱՆ ԽՈՐՀՐԴԻ ՀԵՏ

Արևմտյան Ուկրաինայի ազգային համալսարանի Երևանի կրթագիտական ինստիտուտը մշտապես հետամուտ լինելով մասնագիտական կրթության արդյունավետ բարձրացմանն ուղղված իր առաքելությանը` այսօր իր հարկի տակ հյուրընկալեց 2008 թվականի շրջանավարտ, այժմ` ՀՀ արտաքին գործերի նախարարության ֆինանսաբյուջետային վարչության հաշվապահ Դիաննա Սահակյանին:

Հանդիպումն անցավ ջերմ, բարեկամական մթնոլորտում, ներկաներն ունեցան բովանդակալից քննարկումներ:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ԵՎ ՈՒԿՐԱԻՆԱՅԻ ՆԱԽԱՐԱՐՆԵՐԻ ԿԱԲԻՆԵՏԻ ՄԻՋԵՎ ԲԱՐՁՐԱԳՈՒՅՆ ԿՐԹՈՒԹՅԱՆ ՈԼՈՐՏՈՒՄ ՀԱՄԱԳՈՐԾԱԿՑՈՒԹՅՈՒՆ

ՀՀ կառավարության այսօրվա նիստում գործադիրը հավանության է արժանացրել «Հայաստանի Հանրապետության կառավարության և Ուկրաինայի նախարարների կաբինետի միջև բարձրագույն կրթության ոլորտում համագործակցության մասին» համաձայնագրի ստորագրման առաջարկությունը:

«Հայաստանի Հանրապետության կառավարության և Ուկրաինայի նախարարների կաբինետի միջև բարձրագույն կրթության ոլորտում համագործակցության մասին» համաձայնագրի ստորագրումը նշանակալի քայլ է կրթության բնագավառում երկու երկրների միջև համագործակցությունն ամրապնդելու և երկուստեք փոխշահավետ կապեր հաստատելու համար: Համաձայնագիրը կնպաստի ՀՀ և Ուկրաինայի ուսումնական հաստատությունների միջև անմիջական կապերի հաստատմանն ու զարգացմանը, ինչպես նաև փոխգործակցության ընդլայնմանը:

Համաձայնագրի շրջանակում ակնկալվում է խթանել և ամրապնդել միջազգային համագործակցությունը բարձրագույն կրթության ոլորտում, իրականացնել ուսանողների և հետազոտողների համար նախատեսված կրթաթոշակային փոխանակման ծրագրեր ու համատեղ կրթագիտական նախագծեր, որոնք առաջնահերթ նշանակություն ունեն Հայաստանի տնտեսական և սոցիալական զարգացման գործում:

Համագործակցությունը կստեղծի նաև լրացուցիչ հնարավորություններ բարձրագույն կրթության միջազգայնացման համար և կնպաստի Հայաստանի բուհական համակարգի վարկանիշային հեղինակության բարձրացմանը միջազգային հարթակներում:

Համաձայնագրի ստորագրումը հանդիսանում է Տնտեսական համագործակցության հայ-ուկրաինական միջկառավարական համատեղ հանձնաժողովի 8-րդ նիստի համապատասխան արձանագրության կատարման առարկա, ինչպես նաև բխում է Հայաստանի Հանրապետության կառավարության 2021-2026 թվականների գործունեության միջոցառումների ծրագրից:

Հայաստանի Հանրապետության կառավարության որոշում 10 Փետրվարի 2022, 138 - Ա

ԵՐԹ  ՀԱՅՈՑ  ՑԵՂԱՍՊԱՆՈՒԹՅԱՆ  ԶՈՀԵՐԻ  ՀՈՒՇԱՀԱՄԱԼԻՐ

24.04.2022թ.

Երթ Հայոց ցեղասպանության զոհերի հուշահամալիր՝ հարգանքի տուրք մատուցելու:

ԱՅՑ  ԱՐՄԱՎԻՐԻ  ՊԵՏԱԿԱՆ ԻՆԴՈՒՍՏՐԻԱԼ ՄԱՆԿԱՎԱՐԺԱԿԱՆ ՔՈԼԵՋ

21.04.2022թ. Արևմտյան Ուկրաինայի ազգային համալսարանի Երևանի կրթագիտական ինստիտուտի անձնակազմը մասնագիտական  կողմնորոշման նպատակով այցելել էր Արմավիրի  պետական ինդուստրիալ մանկավարժական քոլեջ:

ՈՒԿՐԱԻՆԱՅԻ  ԱԶԳԱՅԻՆ  ՀԱՄԱԼՍԱՐԱՆԻ  ԵՐԵՎԱՆԻ ԿՐԹԱԳԻՏԱԿԱՆ  ԻՆՍՏԻՏՈՒՏԻ  ԵՎ  ԱՐՄԱՎԻՐԻ ՏԱՐԱԾԱՇՐՋԱՆԱՅԻՆ ՊԵՏԱԿԱՆ  ՔՈԼԵՋԻ  ՄԻՋԵՎ  ԿՆՔՎԵՑ ՇԱՐՈՒՆԱԿԱԿԱՆ  ՀԱՄԱԳՈՐԾԱԿՑՈՒԹՅԱՆ  ՀՈՒՇԱԳԻՐ

14.04.2022թ. Արևմտյան Ուկրաինայի ազգային համալսարանի Երևանի կրթագիտական ինստիտուտի և Արմավիրի տարածաշրջանային պետական քոլեջի միջև կնքվեց շարունակական համագործակցության հուշագիր:

Հուշագիրը ստորագրեցին ԱՈՒԱՀ Երևանի կրթագիտական ինստիտուտի ռեկտոր Սահակ Ղուդրատյանը և «Արմավիրի տարածաշրջանային պետական քոլեջ» ՊՈԱԿ-ի տնօրեն Անգելինա Արշակյանը:

Մեծապես կարևորելով համագործակցության դերը` կողմերը երկուստեք հույս հայտնեցին, որ հուշագիրը կընդլայնի երկկողմ համագործակցությունը` խթանելով ուսումնառության զարգացմանը` ի բարօրություն Հայաստանի և հայ ժողովրդի:

ՄԻՋՈՑԱՌՈՒՄ՝  ՆՎԻՐՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՈՒԿՐԱԻՆԱՅԻ ԱՆԿԱԽՈՒԹՅԱՆ 30-ԱՄՅԱԿԻՆ

2021 թվականի հոկտեմբերի 5-ին Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողները կազմակերպել էին միջոցառում՝ նվիրված Հայաստանի Հանրապետության և Ուկրաինայի անկախության 30-ամյակին: Միջոցառման ընթացքում քոլեջի ուսանողներն ստացան պատվոգրեր` պաստառների պատրաստման մրցույթին մասնակցելու համար:

Միջոցառմանը ներկա էին Ուկրաինայի արտակարգ և լիազոր դեսպան Իվան Կուլեբան, Հայաստանի Հանրապետությունում Ուկրաինայի դեսպանատան աշխատակիցները, գրող, գրականագետ, թարգմանիչ Մարո Մադոյան-Ալաջաջյանը, ինստիտուտի պրոֆեսորադասախոսական կազմը, ուսանողները, աշխատակիցները:

Ելույթ ունեցավ Արևմտյան Ուկրաինայի ազգային համալսարանի Երևանի կրթագիտական ինստիտուտի տնօրեն Սահակ Ղուդրատյանը:

Ողջույնի խոսքով ելույթ ունեցավ Ուկրաինայի արտակարգ և լիազոր դեսպան Իվան Կուլեբան:

Ասմունքով և երգերով հանդես եկան ԱՈՒԱՀ Երևանի կրթագիտական ինստիտուտի ուսանողները:

ՊԱՍՏԱՌՆԵՐԻ ՊԱՏՐԱՍՏՄԱՆ ՄՐՑՈՒՅԹ-ՑՈՒՑԱՀԱՆԴԵՍ

2021թ. սեպտեմբերի 29-ին Արևմտյան Ուկրաինայի ազգային համալսարանի Երևանի կրթագիտական ինստիտուտում տեղի է ունեցել Հայաստանի Հանրապետության և Ուկրաինայի անկախության 30-ամյակին նվիրված պաստառների պատրաստման մրցույթ-ցուցահանդես:

ՀԱՆԴԻՊՈՒՄ ԱԼԵՔՍԵՅ ԻՎԱՆՈՎԻՉԻ ՀԵՏ

2021 թ. սեպտեմբերի 13-ին Արևմտյան Ուկրաինայի ազգային համալսարանի Երևանի կրթագիտական ինստիտուտը հանդիսավոր կերպով հյուրընկալեց Ուկրաինայի կրթության և գիտության նախարարության եվրոպական ինտեգրման հարցերով փոխնախարար Շկուրատով Ալեքսեյ Իվանովիչին: Հանդիպումը անցավ ջերմ մթնոլորտում:

ՏԱՐԱՍ ՇԵՎՉԵՆԿՈՅԻ 207-ԱՄՅԱԿ

«Տարաս Շևչենկոն 47 տարիների ընթացքում հասցրել է  ստեղծել հրաշքներ: Նրա գրիչն ուղղակի չէր շարժվում, նրա գրչի ամեն մի շարժն  իմաստ  ուներ: Նրա վրձինը  կերտել է այնպիսի հիանալի կտավներ և նկարներ, որոնցով զմայլվել կարելի է»:                                  

                                                                                                                    Ռոզի Ղուդրատյան

Սույն թվականի մարտի 9-ին Տերնոպոլի ազգային տնտեսագիտական համալսարանի Երևանի կրթագիտական  ինստիտուտը նշեց Ուկրաինայի հպարտություն, հիանալի պոետ և նկարիչ  Տարաս  Շևչենկոյի   207-ամյակը:

Ներկա էին Ուկրաինայի արտակարգ և լիազոր դեսպան Իվան Կուլեբան, Ուկրաինայի պատվավոր հյուպատոսներ՝ Սահակ  Ղուդրատյանը և Սոս Սահակյանը, Տերնոպոլի ազգային տնտեսագիտական համալսարանի Երևանի կրթագիտական  ինստիտուտի պրոֆեսորադասախոսական անձնակազմը և ուսանողները, ՀՀ-ում Ուկրաինայի դեսպանատան աշխատակիցները, Տարաս Շևչենկոյի անվան դպրոցի տնօրեն Էլյանորա Թումանյանը, ուսուցիչները և աշակերտները, Ուկրաինական համայնքի ներկայացուցիչները: 

Ելույթ ունեցավ Ուկրաինայի արտակարգ և լիազոր դեսպան Իվան Կուլեբան: Նա մանրամասն ներկայացրեց Տարաս Շևչենկոյի կյանքն ու գործունեությունը:  Ասմունքով ելույթ ունեցան ՏԱՏՀ Երևանի կրթագիտական ինստիտուտի ուսանողները, Տարաս Շևչենկոյի անվան դպրոցի աշակերտները, որից հետո, ըստ  ավանդույթի, ծաղիկներ խոնարհեցին   Մեծ Կոբզարի հուշարձանին:

«ՀՈԼՈԴՈՄՈՐԸ ՈւԿՐԱԻՆԱՅՈՒՄ 1932-1933 ԹՎԱԿԱՆՆԵՐԻՆ` ՈՐՊԵՍ ՈՒԿՐԱԻՆԱՑԻ ԺՈՂՈՎՐԴԻ ՑԵՂԱՍՊԱՆՈՒԹՅՈՒՆ» ԽՈՐԱԳՐՈՎ ԿՈՆՖԵՐԱՆՍ

Ս/թ նոյեմբերի 22-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում կայացավ «Հոլոդոմորը Ուկրաինայում 1932-1933 թվականներին` որպես ուկրաինացի ժողովրդի ցեղասպանություն» խորագրով կոնֆերանս` ի հիշատակ Ուկրաինայում 1932-1933 թթ. «Հոլոդոմոր»-ի ժամանակ զոհված միլիոնավոր ուկրաինացիների: Կոնֆերանսի խորհրդանիշն էր՝ «Մենք հիշում ենք: Մենք ուժեղ ենք»:
Կոնֆերանսին ներկա էին ՀՀ-ում Ուկրաինայի գործերի ժամանակավոր հավատարմատար Ավտոնոմով Դենիս Լեոնիդովիչը և դեսպանատան աշխատակիցները, Ուկրաինական համայնքի ղեկավար Աննա Հարությունյանը, Տերնոպոլի ազգային տնտեսագիտական համալսարանի Երևանի կրթագիտական ինստիտուտի պրոֆեսորադասախոսական կազմը և ուսանողները:
Կոնֆերանսին բացման խոսքով ելույթ ունեցավ ՏԱՏՀ Երևանի կրթագիտական ինստիտուտի տնօրեն Սահակ Մերուժանի Ղուդրատյանը և նշեց, որ եթե աշխարհը, այդ թվում Ուկրաինան և հրեաները, խիստ քննադատեին Հայոց ցեղասպանությունը 1915թ-ին, և խիստ պատժվեին ցեղասպանության կազմակերպիչները, շատ հնարավոր էր, որ չլիներ Ուկրաինայի «Հոլոդոմոր»-ը և հրեաների «Հոլոքոստ»-ը: Պետք է հիշել, ճանաչել և դատապարտել զանգվածային մարդասպանությունները, որպիսի չկրկնվեն անցած դարի զանգվածային ցեղասպանությունները:
Կոնֆերանսին ելույթ ունեցավ ՀՀ-ում Ուկրաինայի գործերի ժամանակավոր հավատարմատար Ավտոնոմով Դենիս Լեոնիդովիչը: Նա ողջունեց ներկաներին, շնորհակալություն հայտնեց տնօրեն Սահակ Ղուդրատյանին, պրոֆեսորադասախոսական կազմին և ուսանողներին Ուկրաինայի պատմության ամենաողբերգական իրադարձությունը նման կերպ կազմակերպելու և ներկայացնելու համար:
Կոնֆերանսին իրենց աշխատանքներով ելույթ ունեցան պրոֆեսորադասախոսական անձնակազմից դասախոսներ՝ Դիանա Բաբայանը, Հակոբ Գրիգորյանը, ինչպես նաև «Ֆինանսներ, բանկային գործ և ապահովագրություն» մասնագիտության 1-ին կուրսի ուսանողներ՝ Յուլյա Նակոնեչնիկովան, Գոհար Գրիգորյանը, Անիկա Վարդանյանը, Գայանե Տիմչենկոն, Լիլյա Մակարյանը և 4-րդ կուրսի ուսանող Արման Մխիթարյանը:
Կոնֆերանսի ավարտին ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը շնորհակալություն հայտնեց կոնֆերանսի կազմակերպիչներին, մասնակիցներին և բոլոր ներկաներին:

Հանդիպում թատրոնի և կինոյի դերասան Վալերի Ստեփանյանի հետ

Ս/թ նոյեմբերի 13-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտը հյուրընկալել է թատրոնի և կինոյի դերասան, ռեժիսոր, դրամատուրգ, պրոդյուսեր, ԽՍՀՄ ժողովրդական արտիստ (1991), Ուկրաինայի կինեմատոգրաֆիստների միության անդամ, արվեստի պատմության դոկտոր և ի վերջո մեր հայրենակից Վալերի Ստեփանյանին:
Նա հանդիպեց ուսանողների և աշխատակիցների հետ և ներկայացրեց մի քանի դրվագներ իր կյանքից և արվեստից:

«ԷՐԵԲՈՒՆԻ-ԵՐԵՎԱՆ 2801»

Ս/թ հոկտեմբերի 19-ին Հայասատնի Հանրապետությունը նշում է «Էրեբունի-Երևան 2801» տոնակատարությունը: Երևան քաղաքի բոլոր վարչական շրջաններում կազմակերպվել են «Էրեբունի-Երևան 2801» տոնակատարությանը նվիրված տարբեր միջոցառումներ` «Ոսկե աշուն» խորագրով: Ինչպես Երևանի բոլոր վարչական շրջանները, այնպես էլ Ավան վարչական շրջանը կազմակերպել էր միջոցառում, որին մասնակցել է նաև Տերոպոլի ազգային տնտեսագիտական համալսարանի Երևանի կրթագիտական ինստիտուտը` ներկայացնելով ուկրաինական  մշակույթն ու պատմությունը: Ողջ այցելուներին ներկայացնելով ոչ միայն ուկրաինական կրթության արժանի բարձունքները, եվրոպական ուսուցման մեթոդաբանությունը այլև Ուկրաինայի ժողովրդի հյուրասիրությունը՝ բոլոր անցորդներին հյուրասիրեցինք ուկրաինական վարենիկներ, ուկրաինական սալ, ուկրաինական քաղցրավենիք, որոնք շատ ընդունված են Հայասանի Հանրապետությունում:
Միջոցառման ընթացքում այցելեց Ավան վարչական շրջանի ղեկավար Արա Դանիելյանը և այլ հյուրեր:
Հատուկ շնորհակալություն ենք հայտնում Երևանի քաղաքապետարանին` նման միջոցառում կազմակերպելու համար, որի ընթացքում հնարավորություն ընձեռնվեց մեկ անգամ ևս ներկայացնել Հայաստանի դարավոր բարեկամ Ուկրաինայի կրթությունն ու մշակույթը Երևանում:

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՈւԿՐԱԻՆԱՅԻ ԱՆԿԱԽՈՒԹՅԱՆ ՏՈՆԵՐԻՆ ՆՎԻՐՎԱԾ ՄԻՋՈՑԱՌՈւՄ

Սույն թվականի հոկտեմբերի 17-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում տեղի ունեցավ ավանդույթ դարձած հերթական միջոցառումներից մեկը՝ ցերեկույթ` նվիրված Հայաստանի Հանրապետության և Ուկրաինայի անկախության տոներին: Միջոցառմանը ներկա էին Ուկրաինայի գործերի ժամանակավոր հավատարմատար Դենիս Լեոնիդովիչ Ավտոնոմովը, Ավան վարչական շրջանի կրթության մշակույթի և սպորտի բաժնի պետ Լիլիթ Ղազարյանը, Ուկրաինական համայնքի ղեկավար Աննա Հարությունյանը, ՏԱՏՀ Երևանի կրթագիտական ինստիտուտի տնօրեն, Ուկրաինայի պատվավոր հյուպատոս Սահակ Մերուժանի Ղուդրատյանը, պրոֆեսորադասախոսական անձնակազմը և ուսանողները:
Շնորհավորական խոսքով ելույթ ունեցավ Սահակ Ղուդրատյանը:Նա շնորհավորեց բոլորին անկախության տոների կապակցությամբ, մաղթեց քաջառողջություն, լավատեսություն, ուժ ու եռանդ, հաստատուն կամք, ամենայն բարիք և ամենակարևորը՝ խաղաղություն ողջ աշխարհին:
Ողջույնի խոսքով ելույթ ունեցավ նաև Դենիս Լեոնիդովիչ Ավտոնոմովը: Նա արտահայտեց իր հիացմունքը, շնորհավորեց երկու ժողովուրդներին, մաղթեց բարեկեցություն և խաղաղություն:
Միջոցառման ընթացքում գեղեցիկ երգ ու ասմունքով ելույթ ունեցան ՏԱՏՀ Երևանի կրթագիտական ինստիտուտի ուսանողները: Միջոցառումն անցավ ջերմ մթնոլորտում:

  «ԱԶԳԻ ՈՍԿԵ ՖՈՆԴ»  ԳՐՔԻ ԵՎ «ՈւԿՐԱԻՆԱՅԻ ՊԵՏԱԿԱՆ ՊԱՐԳԵՎՆԵՐԻ ԴԱՓՆԵԿԻՐՆԵՐ» ՀԱՆՐԱԳԻՏԱՐԱՆԻ ԼՈւՍԱԲԱՆՈՒՄԸ

2019 թվականին Ուկրաինայում տպագրվել  է   «Ազգի ոսկե ֆոնդ» գիրքը, որում ընդգրկված են Ուկրաինայի  տարբեր ոլորտներում նորարարությունների ու  նորամուծությունների հեղինակներ,  ազգի համար անգնահատելի գործունեություն ծավալած գիտնականներ, կրթության և մշակույթի ոլորտի անվանի գործիչներ, որոնք համարվում են  ազգի ոսկե ֆոնդը:  

            Ուկրաինայի «Ազգի ոսկե ֆոնդ» գրքում ընդգրկված է նաև մեր հայրենակիցը, ով երկար տարիներ աշխատել է Ուկրաինայում և զբաղեցրել տարբեր բարձրաստիճան պաշտոններ, այժմ՝  Հայաստանի Հանրապետությունում Ուկրաինայի պատվավոր հյուպատոս,  ՏԱՏՀ  Երևանի կրթագիտական ինստիտուտի  տնօրեն Սահակ Ղուդրատյանը:

      2019 թվականին տպագրված «Ուկրաինայի պետական պարգևների դափնեկիրներ» հանրագիտարանում նույնպես մեկ էջ նվիրված է  Սահակ Ղուդրատյանին:  Ուկրաինայի  նախագահի 01.10.2016թ № 427 հրամանով  ազգային կրթության զարգացման գործում ներդրած ավանդի, երկարամյա  քրտնաջան մանկավարժական  գործունեության և բարձր պրոֆեսիոնալիզմի համար շնորհվել է «Ուկրաինայի կրթության վաստակավոր գործիչ» պատվավոր կոչումը:

2019 ԹՎԱԿԱՆԻ ՇՐՋԱՆԱՎԱՐՏՆԵՐԻՆ ԴԻՊԼՈՄՆԵՐԻ ՀԱՆՁՆՄԱՆ ՀԱՆԴԻՍԱՎՈՐ ԱՐԱՐՈՂՈՒԹՅՈՒՆԸ

Ս/թ օգոստոսի 3-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում տեղի ունեցավ միջոցառում՝ 2019 թվականի շրջանավարտներին դիպլոմների հանձնման հանդիսավոր արարողությունը:

Դիպլոմները շրջանավարտներին հանդիսավոր հանձնելուց հետո շնորհավորական խոսքով ելույթ ունեցավ ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը:

Ողջույնի խոսքով ելույթ ունեցավ Հայաստանի Հանրապետությունում Ուկրաինայի դեսպանատան խորհրդատու Դենիս Ավտոնոմովը:

Միջոցառման ընթացքում գեղեցիկ երգերով ելույթ ունեցան ՏԱՏՀ Երևանի կրթագիտական ինստիտուտի ուսանողները:

ՈՒԿՐԱԻՆԱՑԻ ԼՐԱԳՐՈՂՆԵՐԻ ԵՎ ԲԼՈԳԵՐՆԵՐԻ ԱՅՑԸ  ՏԵՐՆՈՊՈԼԻ ԱԶԳԱՅԻՆ ՏՆՏԵՍԱԳԻՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ

Ս/թ մայիսի 27-ին ուկրաինացի մի շարք լրագրողներ և բլոգերներ այցելեցին Տերնոպոլի ազգային տնտեսագիտական համալսարանի Երևանի կրթագիտական ինստիտուտ:

Շրջեցին ինստիտուտում, մտան լսարաններ, գրադարան, լաբորատորիաներ և ծանոթացան ուսանողների հետ: Տնօրեն Սահակ Ղուդրատյանը պատմեց ինստիտուտի մասին, պատասխանեց լրագրողների մի շարք հարցերին: Լրագրողներն իրենց զարմանքն ու հիացմունքն արտահայտեցին` տեսնելով հայ ուսանողների,  որոնք վարժ խոսում են ուկրաիներենով: Հանդիպումը կայացավ անմիջական և ջերմ մթնոլորտում:

«ՄԵՆՔ ՉԵՆՔ ՄՈՌԱՆԱ ՁԵԶ, ՀԵՐՈՍՆԵ′Ր»

ԽՈՐԱԳՐՈՎ ՄԻՋՈՑԱՌՈՒՄ

Սույն թվականի մայիսի 17-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտը կազմակերպել էր Մայիսյան եռատոնին նվիրված միջոցառում՝ «Մենք չենք մոռանա Ձեզ, հերոսնե′ր» խորագրով:
Միջոցառմանը ներկա էին Հայաստանի Հանրապետությունում Ուկրաինայի դեսպանատան խորհրդատու Դենիս Ավտոնոմովը, Վետերանների միության խորհրդի փոխնախագահ գնդապետ Միքայել Սարգսյանը և այլ անդամներ, Հայրենական մեծ պատերազմի և Արցախյան պատերազմի վետերաններ, Ուկրաինական համայնքի ներկայացուցիչներ և շատ այլ պատվավոր հյուրեր, ինչպես նաև Տերնոպոլի ազգային տնտեսագիտական համալսարանի Երևանի կրթագիտական ինստիտուտի պրոֆեսորադասախոսական կազմը և ուսանողները:
Շնորհավորական խոսքով ելույթ ունեցավ ՏԱՏՀ Երևանի կրթագիտական ինստիտուտի տնօրեն  Սահակ Ղուդրատյանը:
Ողջույնի խոսքով ելույթ ունեցավ Հայաստանի Հանրապետությունում Ուկրաինայի դեսպանատան խորհրդատու Դենիս Ավտոնոմովը:
Շնորակալական խոսքով ելույթ ունեցավ նաև Վետերանների միության փոխնախագահ գնդապետ Միքայել Սարգսյանը` շեշտելով, որ տասնութ տարի Հաղթանակի օրը նշում ենք այս համալսարանում, որի համար հատուկ շնորհակալություն հայտնեց տնօրեն Սահակ Ղուդրատյանին:
Միջոցառման ընթացքում ուսանողները կատարեցին հայրենասիրական երգեր և բանաստեղծություններ՝ նվիրված Հայրենական մեծ պատերազմի հաղթանակի 74-ամյակին, բերդաքաղաք Շուշիի ազատագրման և Լեռնային Ղարաբաղի Հանրապետության պաշտպանական բանակի ստեղծման 27-ամյակին:
Միջոցառման վերջում ելույթ ունեցավ ՀՀ պաշտպանության նախարարի խորհրդական, գեներալ-լեյտենանտ Մուրազ Սարգսյանը և միջոցառման մասնակիցներ՝ Արման Մխիթարյանին և Դիանա Բաբայանին պարգևատրեց պատվոգրերով:
Միջոցառումը եզրափակեց ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը` միջոցառման մասնակիցներին շնորհակալագրեր հանձնելով: Միջոցառումն ավարտվեց ավանդույթ դարձած տոնական ճաշկերույթով:

16.05.2019թ.

ՈՒԿՐԱԻՆԱԿԱՆ ԱՎԱՆԴՈՒՅԹՆԵՐ ԵՎ ՍՈՎՈՐՈՒՅԹՆԵՐ

Ասեղնագործ վերնաշապիկի օրը խորհրդանշում է հիանալի, յուրահատուկ տոն ուկրաինական մշակույթում: Այդ օրը Ուկրաինայում և ամբողջ աշխարհում ապրող ուկրաինացիները մեծ տոնակատարությամբ են նշում:
Այս տարի մայիսի 16-ին, որպես ուկրաինական կրթօջախ, Տերնոպոլի ազգային տնտեսագիտական համալսարանի Երևանի կրթագիտական ինստիտուտի աշխատակազմը և ուսանողները նույնպես միացան այդ տոնին և ինստիտուտում ուկրաինական ասեղնագործ վերնաշապիկներով նշեցին ուկրաինական այդ գեղեցիկ ավանդույթը:

24.04.2019թ.

ՀԱՅՈՑ ՑԵՂԱՍՊԱՆՈՒԹՅԱՆ 104-ՐԴ ՏԱՐԵԼԻՑ

Ս/թ ապրիլի 24-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտի վարչական աշխատակազմը, պրոֆեսորադասախոսական կազմը և ուսանողները, տնօրեն Սահակ Ղուդրատյանի գլխավորությամբ, ծաղիկներ խոնարհեցին և ծաղկեպսակ դրեցին Հայոց ցեղասպանության սուրբ նահատակների հիշատակը հավերժացնող հուշահամալիրում։

23.03.2019թ.

ՀԱՄԱՀԱՅԿԱԿԱՆ ՇԱԲԱԹՕՐՅԱԿ

ԳԱՐՈՒՆ 2019

Ս/թ մարտի 23-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտն ակտիվ մասնակցություն ցուցաբերեց ՀՀ տարածքային կառավարման և զարգացման նախարարության նախաձեռնությամբ «Մաքուր Հայաստան» ծրագրի շրջանակներում հայտարարված համապետական շաբաթօրյակին: #CleanArmeina

09.03.2019թ.

ՏԱՏՀ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏՈՒՄ ԿԱՅԱՑԱՎ ՈՒԿՐԱԻՆԱՅԻ ՄԵԾԱՆՈՒՆ ԲԱՆԱՍՏԵՂԾ  ԵՎ  ՆԿԱՐԻՉ ՏԱՐԱՍ ՇԵՎՉԵՆԿՈՅԻ  ԾՆՆԴՅԱՆ 205-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄ

    Ուկրաինայի մեծանուն բանաստեղծ և նկարիչ Տարաս Շևչենկոյի ծննդյան 205-ամյակի կապակցությամբ Տերնոպոլի ազգային տնտեսագիտական համալսարանի Երևանի կրթագիտական ինստիտուտում հայտարարված էր Շևչենկոյին նվիրված օրեր: Եվ այդ կապակցությամբ ՏԱՏՀ Երևանի կրթագիտական ինստիտուտը պատրաստել էր անկյուն՝ նվիրված Մեծ Կոբզարի կյանքին և գործունեությանը (նկարներով և տեղեկատվությամբ):

Ս/թ մարտի7-ին ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը և ուկրաիներենի դասախոս Դիանա Բաբայանը պատմեցին ուսանողներին Շևչենկոյի կյանքի և գործունեության մասին, նրա ազգային միտքը հայրենասիրության, դաստիարակության մեջ և հանճարի համաշխարհային մեծության, իսկ ուսանողներն ասմունքեցին Մեծ Կոբզարի բանաստեղծությունները ուկրաիներեն և հայերեն թարգմանությամբ:

Շևչենկոյի օրերի տոնակատարության շրջանակներում ՏԱՏՀ Երևանի կրթագիտական ինստիտուտում կազմակերպվել էր ֆիլմի դիտում՝ «Հանճար Շևչենկոյի գաղտնիքները» խորագրով:

Տերնոպոլի ազգային տնտեսագիտական համալսարանի Երևանի կրթագիտական ինստիտուտը ս/թ մարտի 9-ին Օղակաձև այգում` Տարաս Շևչենկոյի հուշարձանի մոտ, կազմակերպել էր միջոցառում` նվիրված մեծ բանաստեղծի ծննդյան 205-ամյակին:

Ներկա էին ՀՀ-ում Ուկրաինայի արտակարգ և լիազոր դեսպան Լիտվին Պետրո Միխայիլովիչը, ՀՀ-ում Ուկրաինայի պատվավոր հյուպատոս Ղուդրատյան Սահակ Մերուժանովիչը, ՏԱՏՀ Երևանի կրթագիտական ինստիտուտի պրոֆեսորադասախոսական անձնակազմը և ուսանողները, Ուկրաինական համայնքի աշխատակազմը՝ Աննա Հարությունյանի գլխավորությամբ, դեսպանատան աշխատակիցները, Շևչենկոյի անվան դպրոցի տնօրենը, ուսուցիչները և աշակերտները:

Դեսպան Պետրո Լիտվինը ելույթ ունեցավ և ներկայացրեց Մեծ Կոբզարի գործունեության վերաբերյալ տեղեկություններ: Ելույթ ունեցան Տերնոպոլի ազգային տնտեսագիտական համալսարանի Երևանի կրթագիտական ինստիտուտի ուսանողները, ասմունքեցին մեծ հանճարի բանաստեղծություններից, ներկայացրին նրա արվեստը.

«Նրա գրիչն ուղղակի չէր շարժվում, նրա գրչի ամեն մի շարժն իմաստ ուներ: Նրա վրձինը կերտել է այնպիսի հիանալի կտավներ և նկարներ, որոնցով զմայլվել կարելի է» – Ռոզա Ղուդրատյան:

Միջոցառումը եզրափակեց Դնիպրո երգչախումբը` կատարելով Տարաս Շևչենկոյի «Կտակ» բանաստեղծության խոսքերով գրված երգը:

Միջոցառման ավարտին բոլոր ներկաները ծաղիկներ դրեցին մեծանուն բանաստեղծի հուշարձանին:

22.11.2018թ.

ԿՈՆՖԵՐԱՆՍ` Ի ՀԻՇԱՏԱԿ ՈՒԿՐԱԻՆԱՅՈՒՄ 1932-1933 ԹԹ. «ՀՈԼՈԴՈՄՈՐ»-Ի ԺԱՄԱՆԱԿ ԶՈՀՎԱԾ ՄԻԼԻՈՆԱՎՈՐ ՈՒԿՐԱԻՆԱՑԻՆԵՐԻ

« ՈՒԿՐԱԻՆԱՆ ՀԻՇՈՒՄ Է, ԱՇԽԱՐՀԸ` ՃԱՆԱՉՈՒՄ»

Ս/թ նոյեմբերի 22-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում կայացավ կոնֆերանս` ի հիշատակ Ուկրաինայում 1932-1933 թթ. «Հոլոդոմոր»-ի ժամանակ զոհված միլիոնավոր ուկրաինացիների:
Կոնֆերանսի խորհրդանիշն էր՝ « Ուկրաինան հիշում է, աշխարհը` ճանաչում»: 
Կոնֆերանսին ներկա էին ՀՀ-ում Ուկրաինայի արտակարգ և լիազոր դեսպան Լիտվին Պետրո Միխայիլովիչը և դեսպանատան աշխատակիցները, քաղաքական փորձագետներ` Մեհրաբյան Ռուբենը և Իգիթյան Հովհաննեսը, Ուկրաինական համայնքի ղեկավար Աննա Հարությունյանը և ներկայացուցիչները, Տերնոպոլի ազգային տնտեսագիտական համալսարանի Երևանի կրթագիտական ինստիտուտի պրոֆեսորադասախոսական կազմը և ուսանողները:
Կոնֆերանսին բացման խոսքով ելույթ ունեցավ ՏԱՏՀ Երևանի կրթագիտական ինստիտուտի տնօրեն Սահակ Մերուժանի Ղուդրատյանը: Նա ելույթում նշեց, որ եթե աշխարհը խիստ քննադատեր հայերի ցեղասպանությունը 1915թ-ին, և խիստ պատժվեին ցեղասպանության կազմակերպիչները, շատ հնարավոր էր, որ բոլշևիկները վախենային ուկրաինացի ժողովրդի նկատմամբ ցեղասպանություն կատարելուց: Իսկ լկտիացած Ադոլֆ Հիտլլերը չէր կարգադրի ոչնչացնել հրեաներին և չէր ասի.
«Ինչի՞ց եք վախենում. 1.5 միլիոն հայերի սպանեցին թուրքերը, որևիցե մեկը կրե՞ց պատասխանատվություն»:
Պետք է հիշել, ճանաչել և դատապարտել զանգվածային մարդասպանությունները, որպիսի չկրկնվեն անցած դարի ցեղասպանությունները:
Կոնֆերանսին ելույթ ունեցավ ՀՀ-ում Ուկրաինայի արտակարգ և լիազոր դեսպան Լիտվին Պետրո Միխայիլովիչը: Նա ողջունեց ներկաներին, շնորհակալություն հայտնեց ռեկտոր Սահակ Ղուդրատյանին, պրոֆեսորադասախոսական կազմին և ուսանողներին` Ուկրաինայի պատմության ամենաողբերգական իրադարձության հանդեպ անտարբեր չլինելու համար:
Կոնֆերանսի ընթացքում ցուցադրվեցին դրվագներ Ուկրաինայում 1932–1933թթ. արհեստական սովի կազմակերպման և հետևանքների վերաբերյալ,կանանց ու մանուկների հրեշային կոտորածները փաստող տեսանյութեր:
Կոնֆերանսը իրենց ելույթներով շարունակեցին քաղաքական փորձագետներ՝ Մեհրաբյան Ռուբենը և Իգիթյան Հովհաննեսը, այնուհետև ուկրաինական համայնքի ղեկավար Աննա Հարությունյանը: Վերջինս նշեց, որ իր մայրը եղել է հոլոդոմորի ականատեսներից մեկը և պատմել է զարհուրելի դեպքեր հոլոդոմորի մասին:
Կոնֆերանսին իրենց աշխատանքներով ելույթ ունեցան պրոֆեսորադասախոսական անձնակազմից դասախոսներ` Դիանա Պավելի Բաբայանը, Հակոբ Թելմանի Գրիգորյանը, Լիլիթ Վասիլի Հովսեփյանը, Ռազմիկ Առաքելի Սահակյանը, Աննա Լևոնի Մինասյանը և «Ֆինանսներ, բանկային գործ և ապահովագրություն» մասնագիտության 3-րդ կուրսի ուսանողուհի Դիանա Ռուբենի Ավետիսյանը:
Կոնֆերանսի ավարտին ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը շնորհակալություն հայտնեց կոնֆերանսի կազմակերպիչներին, ,մասնակիցներին և բոլոր ներկաներին:

17.10.2018թ.

ՄԻՋՈՑԱՌՈՒՄ` ՆՎԻՐՎԱԾ «ՀԱՅ – ՈՒԿՐԱԻՆԱԿԱՆ ԴԻՎԱՆԱԳԻՏԱԿԱՆ ՀԱՐԱԲԵՐՈՒԹՅՈՒՆՆԵՐԻ 100 – ԱՄՅԱԿԻՆ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՈՒԿՐԱԻՆԱՅԻ ԱՆԿԱԽՈՒԹՅԱՆ 27-ՐԴ ՏԱՐԵԴԱՐՁԻՆ ԵՎ ԵՐԵՎԱՆԻ 2800 – ԱՄՅԱ ՀՈԲԵԼՅԱՆԻՆ»

Սույն թվականի հոկտեմբերի 17-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում մեծ շուքով և հանդիսավորությամբ անցկացվեց միջոցառում` նվիրված «Հայ-ուկրաինական դիվանագիտական հարաբերությունների 100-ամյակին, Հայաստանի Հանրապետության և Ուկրաինայի անկախության 27-րդ տարեդարձին և Երևանի 2800-ամյա հոբելյանին»:
Միջոցառմանը ներկա էին Ուկրաինայի արտաքին գործերի փոխնախարար Բոնդար Վասիլ Միրոնովիչը, Հայաստանի Հանրապետությունում Ուկրաինայի արտակարգ և լիազոր դեսպան Լիտվին Պետրո Միխայիլովիչը, Ուկրաինայի արտաքին գործերի բաժնի վարիչ Ռոման Իգոր Սվյատոսլավովիչը, Վրեժ Սարուխանյանը, Անահիտ Սահակյանը և այլ պատվավոր հյուրեր, պրոֆեսորադասախոսական անձնակազմը և ուսանողները:
Միջոցառման ընթացքում ելույթ ունեցավ Ուկրաինայի արտաքին գործերի փոխնախարար Բոնդար Վասիլ Միրոնովիչը, որն իր շնորհավորանքն ու հիացմունքն արտահայտելուց բացի, Տերնոպոլի ազգային տնտեսագիտական համալսարանի Երևանի կրթագիտական ինստիտուտի տնօրենին հանձնեց Ուկրաինայի արտաքին գործերի նախարարի հրամանը՝ 

 «Սահակ Ղուդրատյանին նշանակել Ուկրաինայի պատվավոր հյուպատոս քաղաք Վանաձորում, հյուպատոսական իրավասության շրջանակներում ընդգրկել Հայաստանի Հանրապետության Լոռու, Արագածոտնի, Արմավիրի մարզերը»:
Ելույթ ունեցավ ՏԱՏՀ Երևանի կրթագիտական ինստիտուտի տնօրեն Սահակ Ղուդրատյանը, շնորհավորեց բոլոր ներկաներին հայ-ուկրաինական դիվանագիտական հարաբերությունների 100-ամյակի և Երևանի 2800-ամյակի կապակցությամբ: Խորին շնորհակալություն հայտնեց Ուկրաինայի արտաքին գործերի նախարար Պավել Կլիմկինին և ողջ դիվանագիտական անձնակազմին նման վստահության համար և ասաց. «Այս նոր պաշտոնը շատ պարտավորեցնող է, կփորձեմ և կաշխատեմ էլ ավելի բարելավել հայ-ուկրաինական հարաբերությունները»:
Միջոցառումն ավարտվեց ուսանողների կատարմամբ հայկական երգով և ազգային պարով:

13.10.2018թ.

ՏԱՐԱՍ ՇԵՎՉԵՆԿՈՅԻ ԱՐՁԱՆԻ ԲԱՑՄԱՆ ՀԱՆԴԻՍԱՎՈՐ ԱՐԱՐՈՂՈՒԹՅՈՒՆԸ

Ս/թ հոկտեմբերի 13-ին Երևան քաղաքի կենտրոնում` Օղակաձև զբոսայգում, հանդիսավոր արարողությամբ բացվեց  ուկրաինացի բանաստեղծ, արվեստագետ, նկարիչ և ժողովրդագետ Տարաս Շևչենկոյի արձանը:

Արձանի բացումը կայացավ Ուկրաինայի անկախության 27-ամյակի, Ուկրաինայի Ժողովրդական Հանրապետության և Հայաստանի Առաջին Հանրապետության միջև դիվանագիտական հարաբերությունների հաստատման հարյուրամյակի առթիվ:

Միջոցառմանը ներկա էին՝  Ուկրաինայի արտաքին գործերի նախարարության պետքարտուղար Զայաթս Անդրեյ Իվանովիչը, Հայաստանի Հանրապետությունում Ուկրաինայի արտակարգ և լիազոր դեսպան Լիտվին Պետրո Միխայելովիչը, Ազգային ժողովի պատգամավոր, արձանի կառուցման հովանավոր Գագիկ Ծառուկյանը, Հայաստանի Հանրապետության  մշակույթի փոխնախարար Վահե Բուդումյանը, Տերնոպոլի ազգային տնտեսագիտական համալսարանի Երևանի կրթագիտական ինստիտուտի տնօրեն Սահակ Ղուդրատյանը, Հայաստանում ուկրաինական համայնքի ղեկավար Աննա Հարությունյանը և բազմաթիվ հյուրեր:

Արձանը բացելու պատիվը տրվել էր ՀՀ-ում Ուկրաինայի արտակարգ և լիազոր դեսպան Պյոտր Լիտվինին, Ուկրաինայի արտաքին գործերի նախարարության պետքարտուղար Զայաթս Անդրեյ Իվանովիչին, Ազգային ժողովի պատգամավոր Գագիկ Ծառուկյանին և Երևանի կրթագիտական ինստիտուտի տնօրեն Սահակ Ղուդրատյանին: Արձանի բացումն ընդունվեց բուռն ծափահարություններով: Այնուհետև  հնչեցին երկու երկրների օրհներգերը:

Տարաս Շևչենկոյի հուշարձանի բացումը կարևոր դերակատարություն է ունենալու հայ-ուկրաինական  մշակութային և տնտեսական հարաբերություններն ավելի սերտացնելու և ամրապնդելու գործում: 

Միջոցառումը եզրափակվեց Տերնոպոլի ազգային տնտեսագիտական համալսարանի Երևանի կրթագիտական ինստիտուտի ուսանողների երգով` նվիրված Ուկրաինային:

12.10.2018թ. 

ՈՒԿՐԱԻՆԱՅԻ ԱՐՏԱՔԻՆ ԳՈՐԾԵՐԻ ՊԵՏՔԱՐՏՈՒՂԱՐ ԶԱՅԱԹՍ ԱՆԴՐԵՅ ԻՎԱՆՈՎԻՉԻ ԱՅՑԸ ՏԵՐՆՈՊՈԼԻ ԱԶԳԱՅԻՆ ՏՆՏԵՍԱԳԻՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ

Ս/թ հոկտեմբերի 12-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտ էր այցելել Ուկրաինայի արտաքին գործերի պետքարտուղար Զայաթս Անդրեյ Իվանովիչը:
Պետքարտուղար Զայաթս Անդրեյ Իվանովիչին ուսանողները, պրոֆեսորադասախոսական և վարչական աշխատակազմը դիմավորեցին ավանդական աղուհացով:
Կայացավ հանդիպում պրոֆեսորադասախոսական անձնակազմի և ուսանողների հետ: Հանդիպման ժամանակ Անդրեյ Իվանովիչը շատ բարձր գնահատեց Հայաստանում կազմակերպված Ֆրանկաֆոնիայի գագաթնաժողովը և շատ ջերմ արտահայտվեց Հայաստանի գեղատեսիլ վայրերի և հայերի հյուրասիրության մասին: Քննարկվեցին մի շարք հարցեր, այդ թվում նաև նյութատեխնիկական բազան թարմացնելու և ինստիտուտի լավագույն ուսանողների համար կազմակերպել անվճար երկշաբաթյա պրակտիկա Ուկրաինայի առաջատար կազմակերպություններում:
Հանդիպումը կայացավ շատ հետաքրքիր և ջերմ մթնոլորտում:

05.10.2018թ.

 ՏԱՏՀ ԵՐԵՎԱՆԻ ԿՐԹԱԳԻՏԱԿԱՆ ԻՆՍՏԻՏՈՒՏ ԷՐ ՀՅՈՒՐԸՆԿԱԼՎԵԼ ՀԱՅԱՍՏԱՆՈՒՄ ՈՒԿՐԱԻՆԱՅԻ ԱՐՏԱԿԱՐԳ ԵՎ ԼԻԱԶՈՐ ԴԵՍՊԱՆ ԼԻՏՎԻՆ ՊԵՏՐՈՆ ՄԻԽԱՅԵԼՈՎԻՉԸ:

Ս/թ հոկտեմբերի 4-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտ էր հյուրընկալվել Հայաստանում Ուկրաինայի արտակարգ և լիազոր դեսպան Լիտվին Պետրոն Միխայելովիչը:
Կայացավ հանդիպում ուսանողների և պրոֆեսորադասախոսական կազմի հետ:
Դեսպանը ողջունեց բոլորին, արտահայտեց իր հիացմունքը Հայաստանի մասին, քննարկվեցին առկա խնդիրները ինստիտուտում:
Դեսպանը նաև հայտնեց, որ շուտով Հայաստան է ժամանելու Ուկրաինայի պետքարտուղար Զայաթս Անդրեյ Իվանովիչը և Ուկրաինայի արտաքին գործերի փոխնախարար Բոդնար Վասիլ Միրոնովիչը:
Նշվեց նաև, որ Երևան քաղաքի Խանջյանի այգում հոկտեմբերի 13-ին բացվելու է Տարաս Շեվչենկոյի արձանը:
Դեսպան Լիտվին Պետրոն և համալսարանի ռեկտոր Սահակ Ղուդրատյանը շրջեցին բոլոր լսարաններով, լաբարատորիաններով և գրադարաններով:
Դեսպանը համալսարանի գրադարաններին նվիրեց գրքեր:
Հանդիպումը կայացավ ջերմ մթնոլորտում:

18.05.2018թ.

«ՄԱՅԻՍՅԱՆ ԵՌԱՏՈՆԸ»

ՏԵՐՆՈՊՈԼԻ ԱԶԳԱՅԻՆ ՏՆՏԵՍԱԳԻՏԱԿԱՆ ՀԱՄԱԼՍԱՐԱՆԻ ԵՐԵՎԱՆԻ ԿՐԹԱԳԻՏԱԿԱՆ  ԻՆՍՏԻՏՈՒՏՈՒՄ

Ինչպես ամեն տարի,այս տարի ևս Տերնոպոլի ազգային տնտեսագիտական համալսարանի Երևանի կրթագիտական ինստիտուտուտը կազմակերպել էր շքեղ միջոցառում նվիրված Մայիսյան եռատոնին:

Միջոցառման հյուրերն էին Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը, Հայաստանի Հանրապետության վետերանների միության խորհրդի նախագահ՝ գնդապետ Սիմոն Եսայանը և այլ անդամներ, Հայրենական Մեծ պատերազմի և Արցախյան պատերազմի վետերանները, «Շիրակ Հայրենակցական միավորում» հասարակական կազմակերպության ներկայացուցիչները, Արմավիրի ինդուստրիալ-մանկավարժական պետական քոլեջի և Արմավիրի տարածաշրջանային պետական քոլեջի մանկավարժները և ուսանողները: Ներկաների թվում էին նաև Տերնոպոլի ազգային տնտեսագիտական համալսարանի Երևանի կրթագիտական ինստիտուտի պրոֆեսորադասախոսական կազմը և ուսանողները:

Ողջույնի խոսքով ելույթ ունեցան Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը, ՏԱՏՀ Երևանի կրթագիտական ինստիտուտի տնօրեն՝ Սահակ Մերուժանի Ղուդրատյանը, Հայաստանի Հանրապետության վետերանների միության խորհրդի նախագահ՝ գնդապետ Սիմոն Եսայանը:

Միջոցառման ընթացքում հնչեցին մի շարք բանաստեղծություններ, հայրենական երգեր,ինչպես նաև շնորհակալական բազմաթիվ խոսքեր:

Միջոցառումը իր խոսքով եզրափակեց Պաշտպանության նախարարի խորհրդական գեներալ-լեյտենանտ Մուրազ Սարգսյանը և միջոցառման մասնակիցներ Օնիկ Աղեկյանին և Դիանա Ավետիսյանին պարգևատրեց պատվոգրերով,իսկ միջոցառման ակտիվ մասնակիցներին նվիրեց իր իսկ հեղինակային գրքերը:

Տոնական համերգից հետո ի պատիվ Մայիսյան հաղթանակների կազմակերպվեց ճաշկերույթ:

12.05.2018 թ 

«ՀԱՆԴԻՊՈՒՄ 10 ՏԱՐԻ ԱՆՑ» ԽՈՐԱԳՐՈՎ

ՄԻՋՈՑԱՌՈՒՄ ՆՎԻՐՎԱԾ 2008 Թ. ՇՐՋԱՆԱՎԱՐՏՆԵՐԻՆ

 Տերնոպոլի ազգային տնտեսագիտական համալսարանի Երևանի կրթագիտական ինստիտուտի համար նշանակալից օր էր՝ ավանդույթ դարձած միջոցառումների  շարքում տեղ էր գտել այս միջոցառումը՝  հանդիպում համալսարանի 2008 թ. շրջանավարտների հետ «Տաս տարի անց» խորագրով:

Միջոցառմանը ներկա էին Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը, ինչպես նաև նախկին Հայաստանի Հանրապետությունում Ուկրաինայի արտակարգ և լիազոր դեսպան՝ Ալեքսանդր Բոժկոն, բազմաթիվ հյուրեր, ինստիտուտի պրոֆեսորա-դասախոսական կազմը, 2008 թ. շրջանավարտներ և իհարկե ուսանողներ:

Այս միջոցառումը շատ սպասված էր, և համալսարանը շատ ջերմ ընդունեց մեր 2008 թ. շրջանավարտներին:

Միջոցառման ընթացքում ողջույնի խոսք հղեցին  ինստիտուտի տնօրեն՝ Սահակ Ղուդրատյանը, Ալեքսանդր Բոժկոն, Դենիս Ավտոնոմովը:

Շնորհակալական խոսք հայտնեցին  2008 թ. շրջանավարտների անունից՝ Դիանա Սահակյանը, առաջին շրջանավարտների անունից՝ Վալենտինա Մկրտչյանը և 2018 թ. ապագա  շրջանավարտների անունից՝ Նաիրուհի Վանոյանը, ներկայացնելով իր հեղինակային բանաստեղծությունը,  որը նվիրված էր համալսարանին և շրջանավարտներին:

Միջոցառումը ընթացավ շատ հաճելի և ջերմ մթնոլորտում երգերով և պարերով:

Միջոցառումը եզրափակվեց շատ գեղեցիք խոսքերով.

– Սիրելի շրջանավարտներ մենք հպարտ ենք, որ համալսարանն ունի Ձեր նման շրջանավարտներ և մենք էլ ենք համալրելու ձեր բազմահազար բանակը ցանկանում ենք, որ միշտ գարուն լինի Ձեզ հոգում, և մաղթում ենք  Ձեզ ամենայն բարիք, մինչ նոր հանդիպում:

24.04.2018թ.

ՀԱՐԳԱՆՔԻ ՏՈՒՐՔ` Ի ՀԻՇԱՏԱԿ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ

Ս/թ ապրիլի 24-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտի դասախոսները,ուսանողները և վարչական աշխատողները այցելեցին Ծիծեռնակաբերդի հուշահամալիր` ծաղկեպսակ դնելու հուշակոթողին և ծաղիկներ խոնարհելու Մեծ Եղեռնի սրբադասվածների հիշատակին:

31.03.2018թ. 

ՀԱՄԱՔԱՂԱՔԱՅԻՆ ՇԱԲԱԹՕՐՅԱԿ

Ս/թ մարտի 31-ի առավոտից աշխուժ եռուզեռն արդեն իսկ նկատելի էր
Տերնոպոլի ազգային տնտեսագիտական համալսարանի Երևանի կրթագիտական ինստիտուտի բակում:Ինստիտուտի տնօրեն Սահակ Ղուդրատյանը և աշխատակազմը սիրով մասնակցեցին քաղաքապետարանի կողմից հայտարարված համաքաղաքային շաբաթօրյակին: Կարծում ենք յուրաքանչյուր քաղաքացի պարտավոր է մասնակցել շաբաթօրյակներին, եթե ուզում է գեղեցիկ ու բարեկարգ տեսնել իր քաղաքը:

26.03.2018թ.

ՄԻՋՈՑԱՌՈՒՄ  ՆՎԻՐՎԱԾ ՄԵԾ ԳՐՈՂՆԵՐԻ ՀԻՇԱՏԱԿԻՆ

2018 թ. մարտի 26-ին Տերոպոլի ազգային տնտեսագիտական համալսարանի Երևանի կրթա-գիտական ինստիտուտում տեղի ունեցավ միջոցառում, նվիրված մեծ գրողների հիշատակին՝ Տարաս Շևչենկոյի և Եղիշե Չարենցի: Միջոցառմանը ներկա էին Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը, ՀՀ-ում Ուկրաինայի դեսպանատան առաջին քարտուղար՝ Տարաս Լեոնիդի Յակովենկոն, ինչպես նաև ինստիտուտի ուսանողները և պրոֆեսորադասախոսական անձնակազմը: Ողջույնի խոսքով հանդես եկավ Տերոպոլի ազգային տնտեսագիտական համալսարանի Երևանի կրթա-գիտական ինստիտուտի տնօրեն՝ Սահակ Մերուժանի Ղուդրատյանը, ինչպես նաև Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը:

Բոլոր ներկաներին շատ դուր եկավ «Մեծ Կոբզարի գլուխգործոցները» ֆիլմը (նկարներ `Տ.Գ. Շևչենկո, երաժշտություն` Ալեքսանդր Պոնոմարյով):

Ինստիտուտի ուսանողները ասմունքեցին Տ.Գ. Շևչենկոյի բանաստեղծությունները ուկրաիներեն և հայերեն լեզուներով, հնչեցին Չարենցի հայտնի բանաստեղծություններ, որոնք գերեցին բոլոր ներկաներին:

Հանդիսատեսը քարացած լսում էր Դիանա Ավետիսյանի հիանալի ակապելա կատարումը և բուռն ծափահարություններով ավարտվեց մեր միջոցառումը:

22.12.2017թ.

ԱՄԱՆՈՐԻ ՄԻՋՈՑԱՌՈՒՄ ԵՎ ԴԻՄԱԿԱՀԱՆԴԵՍ

Ս/թ դեկտեմբերի 22-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում կայացավ Ամանորյա միջոցառում:Միջոցառումը կազմակերպվել էր Էջմիածնի Վ. Համազասպյանի անվան պետական քոլեջի և Տերնոպոլի ազգային տնտեսագիտական համալսարանի Երևանի կրթագիտական ինստիտուտի Ուսանողական խորհուրդների համատեղ նախաձեռնությամբ: Միջոցառմանը իրենց հումորային և երաժշտական համարներով հանդես եկան երկու ուսումնական հաստատությունների ուսանողները:Իսկ միջոցառման վերջում իրենց անակնկալ նվերներով հյուր եկան Ձմեռ պապն ու Ձյունանուշը:
Ամանորյա միջոցառման ավարտից հետո սկսվեց ուսանողների կողմից կազմակերպված Դիմակահանդեսը:

28.11.2017թ.

«ՀՈԼՈԴՈՄՈՐԸ ՈՒԿՐԱԻՆԱՅՈՒՄ 1932 – 1933 ԹԹ.»

ԽՈՐԱԳՐՈՎ ԿՈՆՖԵՐԱՆՍ

Ս/թ նոյեմբերի 28-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտը կազմակերպել էր «Հոլոդոմորը ՈՒկրաինայում 1932 – 1933 թթ.»  խորագրով կոնֆերանս,որի խորհրդանիշն էր՝ « Ուկրաինան հիշում է,աշխարհը ճանաչում»: Մինչ կոֆերանսի սկիզբը ինստիտուտի ուսանողները բոլոր ներկաներին ամրացրեցին կոնֆերանսը խորհրդանշող ուկրաինական դրոշը:

Կոնֆերանսին ներկա էին Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը և դեսպանատան աշխատակիցները,Ուկրաինական համայնքի ղեկավար՝ Աննա Հարությունյանը և ներկայացուցիչները, Տերնոպոլի ազգային տնտեսագիտական համալսարանի Երևանի կրթագիտական ինստիտուտի պրոֆեսորադասախոսական կազմը և ուսանողները:

Կոնֆերանսի բացման խոսքով ելույթ ունեցավ ՏԱՏՀ Երևանի կրթագիտական ինստիտուտի տնօրեն տնտեսագիտության թեկնածու, դոցենտ Սահակ Մերուժանի Ղուդրատյանը: Ելույթում նշեց, որ հոլոդոմորը դա աննախադեպ ցեղասպանություն էր, որը չպետք է մոռանալ ,որպեսզի չկրկնվի նման ոճրագործություններ,որին զոհ են դարձել միլիոնավոր մարդիկ:

Կոնֆերանսին ելույթ ունեցավ Հայաստանի Հանրապետությունում Ուկրաինայի ժամանակավոր հավատարմատար՝ Դենիս Լեոնիդի Ավտոնոմովը,նա շնորհակալություն հայտնեց ռեկտոր՝ Սահակ Ղուդրատյանին,պրոֆեսորադասախոսական կազմին և ուսանողներին Ուկրաինայի պատմության ամենաողբերգական իրադարձության հանդեպ անտարբեր չլինելու համար:

Ուկրաինական համայնքի ղեկավար՝ Աննա Հարությունյանը ողջունեց կոնֆերանսի մասնակիցներին և նշեց որ իր մայրը եղել է հոլոդոմորի ականատեսներից մեկը և պատմում էր զարհուրելի դեպքեր հոլոդոմորի մասին:

Կոնֆերանսի ընթացքում ցուցադրվեցին դրվագներ Ուկրաինայում 1932 – 1933 թթ. արհեստական սովի կազմակերպման և հետևանքների վերաբերյալ,կանանց ու մանուկների հրեշային կոտորածները փաստող տեսանյութեր:

Կոնֆերանսին իրենց աշխատանքներով ելույթ ունեցան՝

Հումանիտար ամբիոնի դոցենտ,պատմական գիտությունների թեկնածու՝ Հակոբ Թելմանի Գրիգորյանը «Հոլոդոմորը Ուկրաինայում» թեմայով:

Ինչպես նաև ուսանողներ՝

Սյուզաննա Էդիկի Հունանյանը՝ուսանողական խորհրդի նախագահ, «Հաշվառում և աուդիտ» 3-րդ կուրս,« Հոլոդոմոր 1932- 1933 թթ. – ուկրաինական ազգի ցավը» թեմայով,

Մերի Սահակի Սահակյանը՝ «Համակարգչային ինժեներիա»  2-րդ կուրս, «Ուկրաինայի դառը հիշողությունը» թեմայով,

Դիանա Ռուբենի Ավետիսյանը, «Ֆինանսներ» 2-րդ կուրս,«Հոլոդոմոր 1932-1933 թթ. Ուկրաինյում՝ պատմություն և դաս ապագայի համար» թեմայով:

Կոնֆերանսի ավարտին ՏԱՏՀ Երևանի կրթագիտական ինստիտուտի տնօրեն՝ Սահակ Ղուդրատյանը, շնորհակալություն հայտնեց կոնֆերանսի կազմակերպիչներին ,մասնակիցներին և բոլոր ներկաներին:

23.11.2017թ.  

«ԲԱՐԵԿԱՄՈՒԹՅՈՒՆ»

ԽՈՐԱԳՐՈՎ ՄԻՋՈՑԱՌՈՒՄ

     Ս/թ նոյեմբերի 23-ին Էջմիածնի Վարդգես Համազասպյանի անվան պետական քոլեջում տեղի ունեցավ  շքեղ միջոցառում «Բարեկամություն» խորագրով: Միջոցառումը կազմակերպվել էր Տերնոպոլի ազգային տնտեսագիտական համալսարանի Երևանի կրթագիտական ինստիտուտի և Էջմիածնի Վ. Համազասպյանի անվան պետական քոլեջի համատեղ նախաձեռնությամբ:

         Միջոցառմանը  ներկա էին Հայաստանի Հանրապետությունում Ուկրաինայի ժամանակավոր հավատարմատար՝ Վասիլի Ֆեոդոսևիչ Սերդեգան, Ուկրաինայի դեսպանության առաջին քարտուղար՝ Տարաս Լեոնիդովիչ Յակովենկոն, Էջմիածնի քաղաքապետարանի ներկայացուցիչները՝ Տիգրան Կամավորյանը և Հովհաննես Հակոբյանը, Տերնոպոլի ազգային տնտեսագիտական համալսարանի Երևանի կրթագիտական ինստիտուտի ռեկտոր՝ Սահակ Մերուժանի Ղուդրատյանը, Էջմիածնի Վարդգես Համազասպյանի անվան պետական քոլեջի տնօրեն՝ Սերգեյ Զաքարյանը, մանկավարժական կազմը, աշխատակիցները  և ուսանողները: Միջոցառման վերջում Տերնոպոլի ազգային տնտեսագիտական համալսարանի Երևանի կրթագիտական ինստիտուտի ռեկտոր՝ Սահակ Ղուդրատյանը ի նշան բարեկամության հանձնեց պատվոգիր Էջմիածնի Վ. Համազասպյանի անվան պետական քոլեջի տնօրեն  Սերգեյ Զաքարյանին, իսկ միջոցառման բոլոր մասնակիցներին՝  շնորհակալագրեր:

Միջոցառման  խորհուրդը հավերժացնելու և սերնդեսերունդ փոխանցելու համար երկու ուսումնական հաստատությունների ղեկավարները  ստորագրեցին   «Բարեկամություն»  հուշագիր, որի միջոցով կառուցվեց  կամուրջ՝ Տերնոպոլի ազգային տնտեսագիտական համալսարանի Երևանի կրթագիտական ինստիտուտի և Էջմիածնի Վ. Համազասպյանի անվան պետական քոլեջի միջև, հիմք  հանդիսանալով  հարատև բարեկամության և համագործակցության:

17.11.2017թ.

ՏՈՆԱԿԱՆ ՄԻՋՈՑԱՌՈՒՄ ՆՎԻՐՎԱԾ ՈՒՍԱՆՈՂՆԵՐԻ ՄԻՋԱԶԳԱՅԻՆ ՕՐՎԱՆ

Ս/թ նոյեմբերի 17-ին Տերնոպոլի ազգային տնտեսագիտական համալսարանի Երևանի կրթագիտական  ինստիտուտում տեղի ունեցավ ավանդույթ դարձած հերթական  միջոցառումներից մեկը՝ ցերեկույթ նվիրված Ուսանողների միջազգային օրվան: Միջոցառմանը ներկա էին ՏԱՏՀ Երևանի կրթագիտական   ինստիտուտի    տնօրեն՝    Սահակ Մերուժանի Ղուդրատյանը, պրոֆեսորադասախոսական անձնակազմը և ուսանողները:

             Շնորհավորական  խոսքով ելույթ ունեցավ  ՏԱՏՀ Երևանի  կրթագիտական ինստիտուտի    տնօրեն՝    Սահակ Մերուժանի Ղուդրատյանը: Շնորհավորեց բոլոր  ուսանողներին  Ուսանողների միջազգային օրվա կապակցությամբ: Մաղթեց  քաջ առողջություն, լավատեսություն, ուժ ու եռանդ, հաստատուն կամք,  հաջողություն ուսման մեջ և  բոլոր նպատակների իրականացում: Նշեց նաև, որ շնորհավորում է ոչ միայն ներկա ուսանողներին այլ նաև նրանց, ովքեր գտնվում են Հայաստանի Հանրապետության և Լեռնային Ղարաբաղի Հանրապետության սահմաններում և պաշտպանում են մեր անդորրը, և առհասարակ Հանրապետության բոլոր ուսանողներին, ովքեր   համարվում են մեր պետության զարգացման ու առաջընթացի կարևորագույն երաշխիքը և մեր երկրի ապագան:

Միջոցառման ընթացքում  գեղեցիկ երգ ու ասմունքով ելույթ ունեցան ՏԱՏՀ Երևանի կրթագիտական ինստիտուտի ուսանողները: Միջոցառումը անցավ ջերմ մթնոլորտում:

14.10.2017թ.

 «ԷՐԵԲՈՒՆԻ-ԵՐԵՎԱՆ 2799»  ՏՈՆԱԿԱՏԱՐՈՒԹՅՈՒՆ

Ս/թ հոկտեմբերի 14-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտի Ուսանողական խորհուրդը և աշխատակազմը մասնակցեց “Էրեբունի-Երևան-2799” տոնակատարությանը:
Էրեբունի ամրոց-քաղաքը` ներկայիս Երևանը, հիմնադրել է Արգիշտի Ա արքան իր տիրակալության 5-րդ տարում` մ.թ.ա. 782թ.:

07.10.2017թ.

ՀԱՄԱՔԱՂԱՔԱՅԻՆ ՇԱԲԱԹՕՐՅԱԿ

Ս/թ հոկտեմբերի 7-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտը իր մասնակցությունը ունեցավ ««Էրեբունի-Երևան 2799» տոնակատարությանն ընդառաջ կազմակերպվող համաքաղաքային շաբաթօրյակին:

02.08.2017թ.

 ՇՐՋԱՆԱՎԱՐՏՆԵՐԻ ԴԻՊԼՈՄՆԵՐԻ ՀԱՆՁՆՄԱՆ ՀԱՆԴԻՍԱՎՈՐ       ԱՐԱՐՈՂՈՒԹՅՈՒՆ և ՏՈՆԱԿԱՆ ՀԱՄԵՐԳ

     <<ԱՌՆՈ ԲԱԲԱՋԱՆՅԱՆ ՀԱՄԵՐԳԱՍՐԱՀ>>

2017 թ. Օգոստոսի 2-ին  արդեն իսկ ձևավորված գեղեցիկ ավանդույթի համաձայն՝ Երևան քաղաքի «Առնո Բաբաջանյան» համերգասրահում կայացավ Տերնոպոլի ազգային տնտեսագիտական համալսարանի Երևանի կրթագիտական ինստիտուտի  շրջանավարտների դիպլոմների հանձնման հանդիսավոր արարողությունը և տոնական համերգը: Միջոցառումը մեկնարկվեց Հայաստանի Հանրապետության և Ուկրաինայի օրհներգների ներքո:Շրջանավարտներին  իր շնորհավորական ուղերձն էր հղել Տերնոպոլի ազգային տնտեսագիտական համալսարանի ռեկտոր Կրիսովատի Անդրեյ Իգորեվիչը,որից հետո շրջանավարտներին հրավիրեցին բեմ և սկսվեց 2017թ. շրջանավարտների դիպլոմների հանձնման հանդիսավոր արարողությունը: Դիպլոմները հանձնում էին  ինստիտուտի ռեկտոր Սահակ Մերուժանի  Ղուդրատյանը և Հայաստանի Հանրապետությունում Ուկրաինայի գործերի ժամանակավոր հավատարմատար՝ Վասիլի Ֆեոդոսևիչ  Սերդեգան: Վերջինս շնորհավորեց մեր շրջանավարտներին մաղթելով առողջություն,հաջողություն և  որպեսզի իրենց ձեռք բերած գիտելիքները օգտագործեն իրենց հայրենիքի տնտեսության զարգացման համար:

Ողջույնի  խոսքով հանդես եկավ նաև Տերնոպոլի ազգային տնտեսագիտական համալսարանի Երևանի կրթագիտական ինստիտուտի ռեկտոր Սահակ Մերուժանի Ղուդրատյանը:

 Նա ասաց. <<Սիրելի շրջանավարտներ դիպլոմը առանց գիտելիքի դա մի թղթի կտոր է,իսկ երբ դիպլոմը հավաստիացնում է շրջանավարտի ստացած մասնագիտական գիտելիքը դառնում է մի հզոր փաստաթուղթ,որը կլուսավորի ձեր կյանքի ճանապարհը,դուք ստացել եք լավ գիտելիք, ծառայեք մեր հայրենիքին, վստահ եմ որ դուք Ձեր ստացած մասնագիտական գիտելիքները կօգտագործեք մեր երկրի տնտեսության զարգացման համար >>:

 Շրջանավարտները իրենց երախտիքի խոսքը արտահայտեցին, խորհի շնորհակալություն հայտնելով պր. Ղուդրատյանին,պրոֆեսորադասախոսական անձնակազմին և վարչական աշխատակազմին : Իսկ միջոցառման ավարտից հետո շրջանավարտները բարձր տրամադրությամբ ուղևորվեցին երեկույթի:

28.06.2017թ.

Ուկրաինայի Սահմանադրության օրվան նվիրված միջոցառում

2017թ. հունիսի 28-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում տեղի ունեցավ միջոցառում նվիրված Ուկրաինայի Սահմանադրության օրվան: Միջոցառմանը ներկա էին Հայաստանի Հանրապետությունում Ուկրաինայի գործերի ժամանակավոր հավատարմատար՝  Վասիլի Ֆեոդոսևիչ  Սերդեգան և այլ բարձրաստիճան հյուրեր:

Միջոցառումը սկսվեց երկու երկրների օրհներգով, որից հետո իր ողջույնի խոսքով,  ուղիղ միացմամբ, շնորհավորական և շնորհակալական խոսքեր հղեց Տերնոպոլի ազգային տնտեսագիտական համալսարանի ռեկտոր  Անդրեյ Իգորևիչ Կրիսովատին: Ուսանողները համառոտ ներկայացրեցին Ուկրաինայի Սահմանադրության ընդունման մասին, որից հետո ելույթ ունեցավ Հայաստանի Հանրապետությունում Ուկրաինայի գործերի ժամանակավոր հավատարմատար՝  Վասիլի Ֆեոդոսևիչ  Սերդեգան, ՏԱՏՀ Երևանի կրթագիտական ինստիտուտի ռեկտոր, տ.գ.թ., դոցենտ, Ուկրաինայի կրթության վաստակավոր գործիչ՝ Սահակ Մերուժանի Ղուդրատյանը, Կիևի ազգային տնտեսագիտական համալսարանի  կորպորատիվ ֆինանսների և վերահսկման ամբիոնի վարիչ, տ.գ. դոկտոր պրոֆեսոր Օլեգ Ալեքսանդրովիչ Տերեշչենկոն:

Միջոցառումն ավարտվեց տոնական ընդունելություն-ֆուրշետով:

 [easingslider id=”3953″]

01.06.2017թ.

«Ներդրումներ և տնտեսական աճ» խորագրով գիտաժողով

2017թ. հունիսի 1-ին Տերնոպոլի ազգային տնտեսագիտական համալսարանի Երևանի կրթագիտական ինստիտուտում տեղի ունեցավ Գիտաժողով` «Ներդրումներ և տնտեսական աճ» խորագրով: Բացման խոսքով ելույթ ունեցավ ՏԱՏՀ Երևանի կրթագիտական ինստիտուտի ռեկտոր, տ.գ.թ., դոցենտ, Ուկրաինայի կրթության վաստակավոր գործիչ՝  Սահակ Մերուժանի Ղուդրատյանը: Կարևորելով թեմայի արդիականությունը, Սահակ Ղուդրատյանը նշեց, որ տնտեսության բարեփոխման գործընթացը և կայուն տնտեսական աճը պայմանավորված են հնարավոր ներդրումների ծավալով:  Ուստի ներդրումային գործունեության հետ կապված, ներդրումային միջավայրի խնդիրների և ներդրումների ծավալների վրա ազդող գործոնների ուսումնասիրումը ցանակացած երկրի առանցքային քայլերից է: Գիտաժողովին իրենց զեկուցումներով ելույթ ունեցան ՏԱՏՀ Երևանի կրթագիտական ինստիտուտի դասախոսները: Հիմնական քննարկումները ծավալվեցին տնտեսական աճի հատկանիշների, ներդրումների դրական և բացասական ասպեկտների, տնտեսական արդյունավետության բարձրացման, քաղաքական հիմքերի հետ կապված հարցերի շուրջ:

[easingslider id=”3877″]

25.05.2017թ.

ՈՒԿՐԱԻՆԱՅԻ ՆԱԽԱԳԱՀ՝ ՊՅՈՏՐ ՊՈՐՈՇԵՆԿՈՅԻ

 ՀՈԲԵԼՅԱՆԱԿԱՆ ՇՔԱՆՇԱՆԻ ՀԱՆՁՆՈՒՄԸ

ՍԱՀԱԿ ՂՈՒԴՐԱՏՅԱՆԻՆ

Սույն թվականի մայիսի 25-ին Տերնոպոլի ազգային տնտեսագիտական համալսարանի Երևանի կրթագիտական  ինստիտուտում տեղի ունեցավ հանդիսավոր արարողություն: Ներկա էին Հայաստանի Հանրապետության վետերանների միության խորհրդի նախագահ՝ գնդապետ Սիմոն Եսայանը,  Պատերազմի վետերանների կոմիտեի նախագահ՝ գնդապետ Պետրոս Պետրոսյանը և Տերնոպոլի ազգային տնտեսագիտական համալսարանի Երևանի կրթագիտական ինստիտուտի  աշխատակիցները:

Մեծ պատիվ համարելով՝ Հայաստանի Հանրապետության վետերանների միության խորհրդի նախագահ՝ գնդապետ Սիմոն Եսայանը Տերնոպոլի ազգային տնտեսագիտական համալսարանի Երևանի կրթագիտական  ինստիտուտի ռեկտոր՝ Սահակ Ղուդրատյանին հանձնեց Ուկրաինայի նախագահ՝ Պյոտր Պորոշենկոյի պարգևը՝ հոբելյանական շքանշան «Նացիզմի դեմ հաղթանակի 70 ամյակին» նվիրված:   Եվ նշեց, «մենք վերին աստիճանի հպարտության  զգացում ենք ապրում ամեն անգամ, երբ  լսում ենք, որ  պետք է գանք Տերնոպոլի ազգային տնտեսագիտական համալսարանի Երևանի կրթագիտական  ինստիտուտ, իմանալով հանդերձ, որ  Ձեզ մոտ այդպես բարձր մակարդակի վրա է ռազմահայրենասիրական դաստիարակությունը, առաջին և երկրորդ տաին չէ, որ այդ ամենը ինքներս տեսնում  ենք մեր աչքերով…»:

Շնորհավորանքի խոսքով հանդես եկավ  Պատերազմի վետերանների կոմիտեի նախագահ՝ գնդապետ Պետրոս Պետրոսյանը: Մարդ, որը 53 տարի ծառայել  է  Հայրենիքին, 1959թ. հրավիրվել է Ազգային անվտանգություն և զբաղվել հետախուզական գործունեությամբ, մինչ այժմ աշխատում է հայենասիրական ոգով՝ օրինակ ծառայելով հայ երիտասարդներին:

Մեծ հպարտության զգացումով շնորհավորանքի խոսքեր ուղղեցին ռեկտոր՝ Սահակ Ղուդրատյանին նաև Երևանի կրթագիտական  ինստիտուտի  աշխատակիցները:

[easingslider id=”3854″]

08.11.2023թ Արևմտյան Ուկրաինայի ազգային համալսարանի Երևանի կրթագիտական ինստիտուտի ուսանողական խորհուրդը այցելեց Լոռու մարզ բարեգործական նախաձեռնությամբ՝ Արցախից բռնի տեղահանված մեր հայրենակիցներին տրամադրելով անկողնային պարագաներ: Այս նախաձեռնությունը իրականացվեց Հայաստանի Հանրապետության Լոռու մարզպետարանի աջակցությամբ: